Quenes somos?
Somos un grupo de rapazas e rapaces de Ourense, maioritariamente de Seixalbo, onde está sita a asociación.
Antes deste verán comezamos a facer as nosas primeiras reunións cunha idea na cabeza: facer unha asociación cultural co obxectivo de conservar e promover a lingua e a cultura galegas, pois estes son o maior patrimonio que Galiza tén.
Pero non queremos que esta sexa unha asociación máis. Queremos que sexa unha asociación feita por e para a mocidade, aínda que non exclusivamente, temos as portas abertas a calquera persoa de calquera idade que, coma nós, sinta a necesidade de defender e promover o galego e Galiza.
Con esta idea na cabeza comezamos a traballar a finais da primavera do 2012 para constiuírmonos como asociación. Tras definir os obxectivos, o nome, o emprazamento e demais aspectos fundamentais, o 23 de xuño do 2012 tivo lugar o nacemento da Asociación Cultural Xuvenil As Canella.
E aquí nos atopamos agora: sacando adiante este proxecto que esperamos que vos guste e vos ilusione durante moitos anos.
Un saúdo con moita ilusión e ganas de traballar,
A xunta directiva da Asociación Cultural Xuvenil As Canellas